3º CICLO (22/23)

    21 de Outubro de 2022: O primeiro día na horta do Carlos Casares.

O luns día 17 de outubro na terceira hora de clase o alumnado de 5º A baixamos cos nosos mestres Pablo e Ricardo a horta do noso cole. Compartimos actividade con 5º B, alí estaban Diana e Raquel as coidadoras e mestras especialistas da nosa horta. Explicáronnos como debíamos proceder para sacar as plantas vellas e plantar as novas.

O primeiro foi arrincar a vexetación vella e os seus froitos. Despois sachamos a parcela para aireala e poder reencher con máis terra.

As plantas que puxemos foron: allo porro e grelos.

Ao acabar esta tarefa desprazámos a unha parcela de nova creación na que imos ter herbas aromáticas. Nós plantamos tomiño.

Foi unha experiencia divertida e agardamos que a nosa horta se mostre esplendorosa nunhas semanas cos nosos coidados e agarimos.