OS BOLOS CELTA E A PETANCA

 OS BOLOS CELTA E A PETANCA

O pasado xoves 2 de febreiro do 2023 viron 3 persoas a explicarnos como se xoga aos bolos celta e a petanca.

A 5º, tocounos aproximadamente ás 12:15h. Xogamos na antiga zona seis do patio e para iso, dividímonos en 5ºA e 5ºB. Nós, 5º B, xogamos de primeiros aos bolos que consiste en tirar tódolos bolos para gañar seguindo entón, as instrucións dunha das chicas. Primeiro puxémonos dun lado e despois do outro para tirar desde distinto puntos. Había algúns compañeiros e compañeiras que tiraban tan forte que en vez de darlle aos bolos dábanlle a pedra.

Despois de varias xogadas, tocounos probar coa petanca e a 5ºA aos bolos. A petanca, tal e como nos explicou o señor, consiste en que, en dous grupos de 6 nenos e nenas, xoguen tres contra tres e tiren, por quendas, bolas e a bola que máis se acerca á bola pequena gaña.

Encantounos a experiencia de aprender a xogar aos bolos e a petanca.

Pasámolo xenial!

O noso día a día…

 

Cada mañá, cando os vosos fillos e fillas chegan a escola, viven momentos cheos de vivencias que axudan a que medren e sintan a escola como parte da súa vida que empeza a debuxarse. Os momentos en educación infantil son momentos significativos cargados de emocións mediante o xogo, a experimentación o contacto cos iguais e todas as experiencias que cada día aparecen no pequeno universo da escola.

Con este vídeo, e en sete minutos, tratamos de resumir este primeiro trimestre que foi novidoso, a maioría do noso alumnado de infantil non coñecía o patio sen restriccións, sen máscara e sobre todo co contacto dos demáis nenos e nenas que forman o Carlos Casares.

Agardamos que vos guste e que descubrades por esta xaneliña unha parte do noso día a día en Educación infantil.

Celebración de Nadal e obradoiro con Anxo Fariña

En decembro viu o Carlos Casares o noso padriño Anxo Fariña facer un obradoiro de debuxo con nós. Aprendemos a facer o "truco do co" e do "DIO" e pintamos cunha pinturas que brillaban na escuridade.  Gustounos moitísimo a experiencia. Grazas Anxo!

O 22 de decembro celebramos no CEIP Carlos Casares a festa do Nadal na que festexamos o fin do primeiro trimestre e desfrutamos da visita de Papá Noël.

Ao chegar o cole quedamos nas aulas xogando e de súpeto... Sorpresa! Apareceron uns agasallos na porta. Eran unhas cuncas con forma de peixe, un xogo de mesa para a clase e unhas sementes de camelia que plan
taremos xuntos no escola proximamente. 

Despois baixamos o patio para ver a  Papá Noël que chegou nunha motocicleta con sidecar. Era chulísima! 

DÍA INTERNACIONAL DAS PERSOAS CON DISCAPACIDADE

                                 

Praia América

 

O pasado dous de decembro 5º e 6º fixemos unha saída a Praia América polo Día Internacional das Persoas con Discapacidade.

 

Ao chegar vimos a moitos nenos e nenas doutros colexios e sentámonos nun banco a comer a  merenda. Despois estivemos xogando todos xuntos á veira do mar, case nos mollamos! Bueno, case non, algúns saíron mollados... pero aínda así, seguimos xogando.

 

Tras xogar un bo rato, chamáronnos para ir tomar un chocolate quentiño aínda que facía bastante calor. Ao cabo dun rato, cando rematamos o chocolate, fomos xogar de novo na area, aínda que só un ratiño porque tivemos que ir facer voar as nosas cometas que preparáramos nós no colexio uns días antes. Ningunha das nosas voou pero algunhas doutros coles si aínda que só un pouquiño.

 

Cando rematamos, estivemos bailando coa música que facía soar o DJ. Despois viu o bus e marchamos para o cole.

 

Foi un día xenial!

 

EXCURSIÓN Á CORUÑA

 

O día 15 de novembro 5º e 6º tivemos unha excursión á Coruña. Primeiro chegamos á Casa das Ciencias onde estaba o planetario e nos sentamos nuns asentos. O teito era unha semiesfera onde proxectaron un vídeo dun vampiro que bebía salsa de tomate ao terminar xogamos a algúns xogos.

Logo marchamos ao Domus e alí almorzamos. Había diferentes xogos en forma de experimentos como o de manter a mente en branco.

Por último, dirixímonos ao acuario ao que tivemos que ir camiñando pola chuvia. Dentro dunha pecera había moitos peces e unha quella touro que se chamaba Gastón. Logo miramos as focas, que vimos como lle daban de comer. Nos recolleu o autobús e voltamos a casa.

Deixamos aquí unhas fotos que poden resumir esta viaxe.

3 De Novembro: Aniversario do nacemento de Xosé Neira Vilas

O día 3 de Novembro é unha data significativa para o primeiro dos padriños de aula que tivo o CEIP Carlos Casares de Nigrán: Xosé Neira Vilas. Foi no ano 2014 cando visitou o noso centro e gardamos un recordo imborrable daquela xornada. O alumnado de 6º de EP de Vilariño desfruta cada curso coa lectura do imprescindible "Memorias dun neno labrego" e das andanzas e inquedanzas de Balbino.

Samaín 2022

 O Venres 28 de outubro delebramos por todo o alto o Samaín  e o Magosto no CEIP Carlos Casares.

A festa do Samaín, festa laica que representa a fin do verán, das colleitas e o inicio do verán, era a festa máis importante dos 1 celtas e marcaba os inicios do ano novo celta representaba a festa dos mortos. Esta era a data máis perigosa do seu calendario posto que o mundo dos mortos, o Outromundo, facíase accesible para os mortais, podendo pasar a formar parte del por culpa dun feitizo ou meigallo. Cando chegaban as celebracións do Samaín (o chegaren as longas noites escuras) tense por certo que os celtas colocaban unha velas rudimentarias no interior das caveiras dos inimigos mortos, colocándoas nos cruces de camiños, nos arredores e nas muradas dos seus castros, co obxecto de arrepiaren os inimigos, para asombro e veneración das súas xentes e para esconxurar os perigos da celebración.

Foi unha xornada ben fermosa onde puidemos ver as lucidas cabazas decoradas polo alumnado e as súas familias, escoitar boa música da man de Luis "Caruncho" e Fran Martínez e , por suposto, comer deliciosas castañas. Que festazas son o Samaín e o Magosto!!!